Show.az ilk dəfə olaraq tərəflər arasındakı pərdəarxası məqamları açıqlayır. Uzun illərdir tərəflər arasında baş verən mübarizə artıq kuliminasiya nöqtəsindədir!
Show.az etibarlı mənbəyə istinad edərək eksklüziv olaraq xəbər verir ki, xalq artisti İlhamə Quliyevanın mətbuat katibi Faiq Ələkbərli qarşı tərəflə - xalq artisti Flora Kərimova ilə barışıb!
Show.az-ın Faiq Ələkbərliyə ünvanladığı “Sizi Flora xanımla biryerdə görüblər. Onunla barışmısınızmı”, sualına mətbuat katibi belə cavab verib: - “Bəli, bizi biryerdə görə bilərlər! Burada qeyri-adi heç nə yoxdur. Mənim Flora xanımın sənətinə həmişə böyük hörmətim olub və o da bunu bilib. Hələ məhkəmədə olarkən də demişdim ki, mənim Flora Kərimova haqqında söz deməyə haqqım çatmır. Buna mənim nə tərbiyəm, nə də yaşım imkan vermir. Sadəcə olaraq İlhamə Quliyevanın mətbuat katibi kimi onun dediklərini mediaya çatdırmışam”.