Bir müddət öncə müğənni Samira yerli media mənsublarına şou-proqramlara getmək istəmədiyini bildirib. SİA-ya açıqlamasında bu məsələyə toxunan müğənni deyib ki, “Elə məclislər olur ki, gedirsən, lakin qayıtdıqdan sonra peşman olursan. Çünki burada hər hansı bir xoşagəlməz hadisələr baş verir. Mən bunu şou-proqramlara aid etmirəm, toy məclislərində belə olur”.
Müğənni həmçinin restoranlarda olan qiymətlərə də toxunaraq narazlıq edib: “Restoranlarda müğənnilərə verilən qonorar qalxsa daha yaxşı olar, çünki mən mahnı alıram və bu mənə baha başa gəlir. Axı bu, çox xərc tələb edən bir işdir. Əvvəllər müğənnilər mahnı hazırlayarkən onların bütün xərclərini dövlət özü həll edirdi. Lakin indi belə deyil və bu da bizim üçün çox çətinlik yaradır. Müğənni hər gün eyni mahnını oxuya bilməz. Hər hansı bir mahnını ərsəyə gətirmək üçün nə qədər vəsait tələb olunur”.