Həmkarlarının bostanını daşlayan rejissor təzyiqlərə məruz qaldığını açıqlayıb.
Qızıl Aypara Himninin klipi çəkilib! Show.az xəbər verir ki, sözləri Cavanşir Alxasova, musiqisi Novruz Aslana məxsus klipi rejissor Nail Naiboğlu çəkib. Qeyd edək ki, himni xalq artistləri İlhamə Quliyeva, Faiq Ağayev, əməkdart artist Fidan Hacıyeva, müğənnilər Lalə Məmmədova, Rəşad İlyasov, Nurlan Əzizbəyli, Amil Həsənoğlu və “Kristal” qrupu ifa ediblər.
Klipin rejissoru Nail Naiboğlu çəkilişlərin iki gün pavilyonda aparıldığını desə də, büdcə haqqında danışmaq istəməyib. Dövlət sifarişi ilə çəkilən klipin büdcəsi haqqında danışmağı düzgün hesab etməyən rejissor həmkarlarının bostanına daş atıb: - “Son vaxtlar özümə qarşı böyük təzyiqlər görürəm. Mənə dost deyənlər ayağımın altını qazırlar. Rejissor kimi ilk üçlükdə olmağım kimlərisə narahat edir. Məni həzm edə bilməyənlər bilsinlər ki, mən hələ rejissor kimi heç nə etməmişəm. Görəcəyim işlər hələ qabaqdadır. Çox maraqlı layihələrim var. Efirdən düşməyən bəziləri kimi özümü hər gün reklam etməyə ehtiyac görmürəm. Mənim reklamım çəkdiyim kliplərdir və onlar mənə növbəti yüksək qonorarlı işlər gətirir!”